AMO DE MON PAÏS

(Musique de Pierre MERIC sur le poème de Frédéric Mistral -

ENVOUCACIOUN A L'AMO DE LA PROUVENÇO)

Envocacion a l’ama de la Provença (En graphie oc - par Daniel Daumas)

Amo de moun païs,

Tu que dardaies, manifèsto,

E dins sa lengo e dins sa gèsto ;

Quand li baroun picard, alemand, bourguignoun,

Sarravon Toulouso e Bèu-Caire,

Tu qu'empurères de tout caire

Contro li négri cavaucaire

Lis ome de Marsiho e li fiéu d'Avignoun ;

Pèr la grandour di remembranço

Tu que nous sauves l'esperanço ;

Tu que dins la jouinesso, e plus caud e plus bèu,

Mau-grat la mort e l'aclapaire,

Fas regreia lou sans di paire,

Tu qu'ispirant li dous troubaire,

Fas pièi mistraleja la voues de Mirabèu ;

Ama de mon païs,

Tu que dardalhes manifesta,

E dins sa lenga e dins sa gesta,

Quand lei barons picards, alemands, borguinhons,

Sarravan Tolosa e Beucaire

Tu qu’empureres de tot caire

Contra lei negris cavaucaires

Leis òmes de Marselha e lei fieus d’Avinhon.

Per la grandor dei remembranças

Tu que nos sauves l’esperança

Tu que dins la joinessa, e plus caud e plus bèu

Maugrat la mòrt e l’aclapaire

Fas regrelhar lo sang dei paires,

Tu qu’ispirant lei dos trobaires

Fas puei mestralejar la votz de Mirabeù

Car lis oundado seculàri

E si tempèsto e sis esglàri

An bèu mescla li pople, escafa li coufin,

La terro maire, la Naturo,

Nourris toujours sa pourtaduro

Dóu meme la : sa pousso duro

Toujour à l'óulivié dounara l'òli fin ;

Amo de-longo renadivo,

Amo jouiouso e fièro e vivo,

Qu'endihes dins lou brut dóu Rose e dóu Rousau

Amo di séuvo armouniouso

E di calanco souleiouso,

De la patrìo amo piouso,

T'apelle ! encarno-te dins mi vers prouvençau !

Car leis ondadas secularis

E sei tempestas e seis esglaris

An bèu mesclar lei pòples, escafar lei confins

La terra maire, la natura

Noritz totjorn sa portadura

Dau meme lach, sa possa dura

Totjorn à l’oulivier donarà l’òli fin

Ama de lònga renadiva

Ama joiosa e fiera e viva

Qu’endilhes dins lo brut dau Ròse e dau rosau

Ama dei seuvas armoniosa

E dei calancas soleiosas

De la patria ama piosa

T’apeli ! Encarna-te dins mei vers provençaus !

Voir partition : Amo de Moun Païs - page1 - Amo de Moun Païs - page2 Ecoute Midi : Monpais
Ecoute mp3
partition.pdf

CONTACT - Demande d'information sans engagement.

Vincent Van Gogh

Retour sommaire textes de Chansons